த்⁴ருதராஷ்ட்ர உவாச

த⁴ர்மக்ஷேத்ரே குருக்ஷேத்ரே ஸமவேதா யுயுத்ஸவ꞉ . 
மாமகா꞉ பாண்ட³வா꞉ சைவ கிமகுர்வத ஸஞ்ஜய ..  1 :1

ஸஞ்ஜய உவாச

த்³ருஷ்ட்வா து பாண்ட³வானீகம் வ்யூட⁴ம் து³ர்யோத⁴னஸ்ததா³.
ஆசார்யமுபஸங்க³ம்ய ராஜா வசனமப்³ரவீத் ..  1 :2

பஶ்யைதாம் பாண்டு³ புத்ராணாம் ஆசார்ய மஹதீம் சமூம் .
வ்யூடா⁴ம் த்³ருபத³ புத்ரேண தவ ஶிஷ்யேண தீ⁴மதா ..  1 :3

அத்ர ஶூரா மஹேஷ்வாஸா பீ⁴மார்ஜுன ஸமா யுதி⁴ .
யுயுதா⁴னோ விராடஶ்ச த்³ருபத³ஶ்ச மஹாரத²꞉ ..  1 :4

த்⁴ருஷ்ட கேது꞉ சைகிதான꞉ காஶிராஜஶ்ச வீர்யவான் .
புருஜித் குந்தி போ⁴ஜஶ்ச ஶைப்³யஶ்ச நர புங்க³வ꞉ ..  1 :5

யுதா⁴மன்யு꞉ச விக்ராந்த உத்தமௌஜாஶ்ச வீர்யவான் .
ஸௌப⁴த்³ரோ த்³ரௌபதே³யாஶ்ச ஸர்வ ஏவ மஹாரதா²꞉ ..  1 :6

அஸ்மாகம் து விஶிஷ்டா யே தாந்நிபோ³த⁴ த்³விஜோத்தம .
நாயகா மம ஸைன்யஸ்ய ஸஞ்ஜ்ஞார்த²ம் தான்ப்³ரவீமி தே ..  1 :7

ப⁴வான் பீ⁴ஷ்மஶ்ச கர்ணஶ்ச க்ருபஶ்ச ஸமிதிஞ்ஜய꞉ .
அஶ்வத்தா²மா விகர்ணஶ்ச ஸௌமத³த்திர்ஜயத்³ரத²꞉ ..  01 :8

அன்யே ச ப³ஹவா꞉ ஶுரா மத³ர்தே² த்யக்த ஜீவிதா꞉ .
நானா ஶஸ்த்ர ப்ரஹரணா꞉ ஸர்வே யுத்³த⁴ விஶாரதா³꞉ ..  01 :9

அபர்யாப்தம் தத³ஸ்மாகம் ப³லம் பீ⁴ஷ்மாபி⁴ரக்ஷிதம் .
பர்யாப்தம் த்வித³மேதேஷாம் ப³லம் பீ⁴மாபி⁴ரக்ஷிதம் ..  01 :10

அயனேஷு ச ஸர்வேஷு யதா²பா⁴க³மவஸ்தி²தா꞉ .
பீ⁴ஷ்மமேவாபி⁴ரக்ஷந்து ப⁴வந்த꞉ ஸர்வ ஏவ ஹி ..  01 :11

தஸ்ய ஸஞ்ஜநயன் ஹர்ஷம் குரு வ்ருத்³த⁴꞉ பிதாமஹ꞉ . 
ஸிம்ஹநாத³ம் வினத்³யோச்சை꞉ ஶங்க²ம் த³த்⁴மௌ ப்ரதாபவான் ..  01 :12

தத꞉ ஶங்கா²ஶ்ச பே⁴ர்யஶ்ச பணவானக கோ³முகா²꞉ .
ஸஹஸைவாப்⁴யஹன்யந்த ஸ ஶப்³த³ஸ்துமுலோ(அ)ப⁴வத் ..  01 :13

தத꞉ ஶ்வேதைர்ஹயைர்யுக்தே மஹதி ஸ்யந்த³னே ஸ்தி²தௌ .
மாத⁴வ꞉ பாண்ட³வஶ்சைவ தி³வ்யௌ ஶங்கௌ² ப்ரத³த்⁴மது꞉ ..  01 :14

பாஞ்சஜன்யம் ஹ்ருஷீகேஶோ தே³வத³த்தம் த⁴னஞ்ஜய꞉ .
பௌண்ட்³ரம் த³த்⁴மௌ மஹா ஶங்க²ம் பீ⁴மகர்மா வ்ருகோத³ர꞉ ..  01 :15

அனந்த விஜயம் ராஜா குந்தீபுத்ரோ யுதி⁴ஷ்டி²ர꞉ .
நகுல꞉ ஸஹதே³வஶ்ச ஸுகோ⁴ஷ மணிபுஷ்பகௌ ..  01 :16

காஶ்யஶ்ச பரமேஷ்வாஸ꞉ ஶிக²ண்டீ³ ச மஹாரத²꞉ .
த்⁴ருஷ்டத்³யும்னோ விராடஶ்ச ஸாத்யகிஶ்சாபராஜித꞉ ..  01 :17

த்³ருபதோ³ த்³ரௌபதே³யாஶ்ச ஸர்வஶ꞉ ப்ருதி²வீபதே .
ஸௌப⁴த்³ரஶ்ச மஹாபா³ஹு꞉ ஶங்கா²ன் த³த்⁴மு꞉ ப்ருத²க் ப்ருத²க் ..  01 :18

ஸ கோ⁴ஷோ தா⁴ர்தராஷ்ட்ராணாம் ஹ்ருத³யானி வ்யதா³ரயத் .
நப⁴ஶ்ச ப்ருதி²வீம் சைவ துமுலோ வ்யனுநாத³யன் ..  01 :19

அத² வ்யவஸ்தி²தான் த்³ருஷ்ட்வா தா⁴ர்தராஷ்ட்ரான் கபித்⁴வஜ꞉ .
ப்ரவ்ருத்தே ஶஸ்த்ர ஸம்பாதே த⁴னுருத்³யம்ய பாண்ட³வ꞉ ..  01 :20

ஹ்ருஷீகேஶம் ததா³ வாக்யம் இத³மாஹ மஹீபதே .        01 :21

அர்ஜுன உவாச

ஸேனயோருப⁴யோர்மத்⁴யே ரத²ம் ஸ்தா²பய மே(அ)ச்யுத ..  01 :21

யாவதே³தாந்நிரீக்ஷே(அ)ஹம் யோத்³து⁴காமானவஸ்தி²தான் .
கைர்மயா ஸஹ யோத்³த⁴வ்யம் அஸ்மின் ரண ஸமுத்³யமே ..  01 :22

யோத்ஸ்யமானானவேக்ஷே(அ)ஹம் ய ஏதே(அ)த்ர ஸமாக³தா꞉ .
தா⁴ர்தராஷ்ட்ரஸ்ய து³ர்பு⁴த்³தே⁴꞉ யுத்³தே⁴ ப்ரிய சிகீர்ஷவ꞉ ..  01 :23

ஸஞ்ஜய உவாச

ஏவமுக்தோ ஹ்ருஷீகேஶோ கு³டா³கேஶேன பா⁴ரத .
ஸேனயோருப⁴யோர்மத்⁴யே ஸ்தா²பயித்வா ரதோ²த்தமம் ..  01 :24

பீ⁴ஷ்ம த்³ரோண ப்ரமுக²த꞉ ஸர்வேஷாம் ச மஹீக்ஷிதாம் .
உவாச பார்த² பஶ்யைதான் ஸமவேதான் குரூனிதி ..  01 :25

தத்ராபஶ்யத்ஸ்தி²தான் பார்த²꞉ பித்ரூனத² பிஹாமஹான் .
ஆசார்யான் மாதுலான் ப்⁴ராத்ரூன் புத்ரான் பௌத்ரான் ஸகீ²ம்ஸ்ததா² ..  01 :26

ஶ்வஶுரான் ஸுஹ்ருத³ஶ்சைவ ஸேனயோருப⁴யோரபி .
தான் ஸமீக்ஷ்ய ஸ கௌந்தேய꞉ ஸர்வான் ப³ந்தூ⁴னவஸ்தி²தான் ..  01 :27

க்ருபயா பரயாவிஷ்டோ விஷீத³ன்னித³மப்³ரவீத் ..        01 :28

அர்ஜுன உவாச

த்³ருஷ்ட்வேமம் ஸ்வஜனம் க்ருஷ்ண யுயுத்ஸும் ஸமுபஸ்தி²தம் ..  01 :28

ஸீத³ந்தி மம கா³த்ராணி முக²ம் ச பரிஶுஷ்யதி .
வேபது²ஶ்ச ஶரீரே மே ரோமஹர்ஷஶ்ச ஜாயதே ..  01 :29

கா³ண்டீ³வம் ஸ்ரம்ஸதே ஹஸ்தாத் த்வக்சைவ பரித³ஹ்யதே .
ந ச ஶக்னோம்யவஸ்தா²தும் ப்⁴ரமதீவ ச மே மன꞉ ..  01 :30

நிமித்தானி ச பஶ்யாமி விபரீதானி கேஶவ .
ந ச ஶ்ரேயோ(அ) நுபஶ்யாமி ஹத்வா ஸ்வஜனமாஹவே ..  01 :31

ந காங்க்ஷே விஜயம் க்ருஷ்ண ந ச ராஜ்யம் ஸுகா²னி ச .
கிம் நோ ராஜ்யேன கோ³விந்த³ கிம் போ⁴கை³ர்ஜீவிதேன வா ..  01 :32

யேஷாமர்தே² காங்க்ஷிதம் நோ ராஜ்யம் போ⁴கா³꞉ ஸுகா²னி ச .
த இமே(அ)வஸ்தி²தா யுத்³தே⁴ ப்ராணாம்ஸ்த்யக்த்வா த⁴னானி ச ..  01 :33

ஆசார்யா꞉ பிதரா꞉ புத்ரா꞉ ததை²வ ச பிதாமஹா꞉ .
மாதுலா꞉ ஶ்வஶுரா꞉ பௌத்ரா꞉ ஶ்யாலா꞉ ஸம்ப³ந்தி⁴னஸ்ததா² ..  01 :34

ஏதான்ன ஹந்துமிச்சா²மி க்⁴னதோ(அ)பி மது⁴ஸூத³ன .
அபி த்ரைலோக்ய ராஜ்யஸ்ய ஹேதோ꞉ கிம் நு மஹீக்ருதே ..  01 :35

நிஹத்ய தா⁴ர்தராஷ்ட்ரான்ன꞉ கா ப்ரீதி꞉ ஸ்யாஜ்ஜனார்த³ன .
பாபமேவாஶ்ரயேத³ஸ்மான் ஹத்வைதான் ஆததாயின꞉ ..  01 :36

தஸ்மான்னார்ஹா வயம் ஹந்தும் தா⁴ர்தராஷ்ட்ரான் ஸ்வபா³ந்த⁴வான் .
ஸ்வஜனம் ஹி கத²ம் ஹத்வா ஸுகி²ன꞉ ஸ்யாம மாத⁴வ ..  01 :37

யத்³யப்யேதே ந பஶ்யந்தி லோபோ⁴பஹதசேதஸ꞉ .
குலக்ஷய க்ருதம் தோ³ஷம் மித்ரத்³ரோஹே ச பாதகம் ..  01 :38

கத²ம் ந ஜ்ஞேயமஸ்மாபி⁴꞉ பாபாத³ஸ்மாந்நிவர்திதும் .
குலக்ஷய க்ருதம் தோ³ஷம் ப்ரபஶ்யத்³பி⁴ர்ஜனார்த³ன ..  01 :39

குலக்ஷயே ப்ரணஶ்யந்தி குல த⁴ர்மா꞉ ஸனாதனா꞉ .
த⁴ர்மே நஷ்டே குலம் க்ருத்ஸ்னம் அத⁴ர்மோ(அ)பி⁴ப⁴வத்யுத ..  01 :40

அத⁴ர்மாபி⁴ப⁴வாத் க்ருஷ்ண ப்ரது³ஷ்யந்தி குலஸ்த்ரிய꞉ .
ஸ்த்ரீஷு து³ஷ்டாஸு வார்ஷ்ணேய ஜாயதே வர்ண ஸங்கர꞉ ..  01 :41

ஸங்கரோ நரகாயைவ குலக்⁴னானாம் குலஸ்ய ச .
பதந்தி பிதரோ ஹ்யேஷாம் லுப்த பிண்டோ³த³க க்ரியா꞉ ..  01 :42

தோ³ஷேரைதை꞉ குலக்⁴னானாம்  வர்ண ஸங்கர காரகை꞉ .
உத்ஸாத்³யந்தே ஜாதி த⁴ர்மா꞉ குலத⁴ர்மாஶ்ச ஶாஶ்வதா꞉ ..   01 :43

உத்ஸன்ன குலத⁴ர்மாணாம் மனுஷ்யாணாம் ஜனார்த³ன .
நரகே நியதம் வாஸோ ப⁴வதீத்யனுஶுஶ்ரும ..  01 :44

அஹோ ப³த மஹாபாபம் கர்தும் வ்யவஸிதா வயம் .
யத்³ராஜ்ய ஸுக² லோபே⁴ன ஹந்தும் ஸ்வஜனமுத்³யதா꞉ ..  01 :45

யதி³ மாம் அப்ரதீகாரம் அஶஸ்த்ரம் ஶஸ்த்ர பாணய꞉ .

தா⁴ர்தராஷ்ட்ரா ரணே ஹன்யு꞉ தன்மே க்ஷேமதரம் ப⁴வேத் ..  01 :46

ஸஞ்ஜய உவாச

ஏவமுக்த்வார்ஜுன꞉ ஸங்க்²யே ரதோ²பஸ்த² உபாவிஶத் .

விஸ்ருஜ்ய ஸஶரம் சாபம் ஶோக ஸம்விக்³ன மானஸ꞉ ..  01 :47